Членска карта за Вардар купи и големиот чичко Дончо: Ве поздравувам „Комити“ – мои внуци, мои јунаци македонски!

Во акцијата на „Комити“ за Вардар се вклучи и легендарниот Андон Дончевски или познат во македонската спортска јавност како чичко Дончо.

Дончевски купи членска карта и така искажа своја поддршка, но и повика да се помогне на Вардар.

„Да му помогнеме на Вардар, да ја воздигнеме Македонија. Ве поздравувам „Комити“, мои внуци, мои јунаци македонски“, гласи пораката на Дончевски.

Засега од Вардар истакнуваат задоволство од акцијата во која собраа околу еден милион денари во само една недела.