Чави за Халанд: Не постои играч кој ја одбил Барселона

Тренерот на Барселона, Чави Ернандес увери дека ниту еден фудбалер на одбил да дојде во клубот, откако тој го презеде кормилото на тимот.

На овој начин Чави одговори на прашањето како може да го убеди Ерлинг Халанд да дојде на „Камп Ноу“ на лето.

Шпанските медиуми тврдат дека Чави имал средба со голгетерот на Борусија Дортмунд, но тренерот одби да го потврди тоа.

„Средба со Халанд? Секогаш е добар момент да потпишеш за Барса, ова е најдобриот клиб во светот. Откако сум тука, ниту еден фудбалер не и кажал „не“ на Барса. Ве уверувам во тоа. Кога сакаме да потпишеме со некој играч и можеме да зборуваме со него, го користиме тој модел. Градот е исто така прекрасен, секој би сакал да игра тука“, изјави Чави.