Холандското првенство продолжува – одреден и датумот!

Холандската фудбалската федерација нема намера да го прекине националното првенство и потврди кога ќе продолжат со играњето фудбал.

Челниците во холандскиот фудбал во соработка со клубовите, тренерите и фудбалерите го одредија 19 јуни како датум за продолжување на сезоната. Можеби, претходно неколку дена да се одиграат заостанатите средби се со цел сите екипи на 19 јуни да стартуваат со ист број на одиграни натпревари.

Најпрво Холанѓаните најавија дека сезоната ќе ја прогласат за завршена, но после опомената од УЕФА, решија сепак да го продолжат првенството.

Холанѓаните планираат преостанатите осум рунди од „Еридивајс“ лигата да ги завршат до крајот на јули. Првото коло би се играло без публика додека за понатаму не се исклучува можноста да се отворат стадионите.