Хари Кејн лично од претседателот ќе бара да биде продаден

Големата ѕвезда на Тотенхем, Хари Кејн ќе побара трансфер на крајот на сезоната.

Информацијата ја пласираат англиските медиуми и тврдат дека Хари Кејн веќе е разочаран што не освојува трофеи.

Кејн веќе најави дека размислува за трансфер бидејќи сака да игра во тим кој ќе се бори за трофеи и наводно е спремен да го напушти Тотенхем бидејќи не е задоволен од политиката на клубот.

Кејн игра уште една фантастична сезона за Тотенхем и до сега има постигнато 31 гола во сите натпреварувања, но не е задоволен од резултатите на тимот.

„Сан“ пренесува дека наскоро напаѓачот ќе има средба со претседателот Даниел Леви и ќе побара да ги разгледа понудите кои ќе пристигнат за него ова лето.