Македонската фудбалска репрезентација вчера го одигра последниот натпревар во Лигата на Нации за оваа сезона, но за жал бевме поразени со 0:1.
Натпреварот против Бугарија предизвика голем интерес кај македонската публика, па така на Националната Арена присуствуваа над 20.000 навивачи. Денес Фудбалската федерација на Македонија испрати порака до навивачите:
Диск голф го освојува светот, а го нема во Македонија!? ↓↓↓
„Драги наши навивачи,
Од срце упатуваме голема благодарност до сите вас кои дојдовте од сите краеви на Македонија да им дадете поддршка на македонските репрезентативци на Националната арена „Тодор Проески“ на натпреварот против Бугарија.
Беше навистина импресивно да се види како и на дожд, повеќе од 20 илјади луѓе, безусловно ја сакаат и бодрат Македонија.
Од првата до последната минута.
На сите ни е жал што репрезентацијата и покрај големиот напор не успеа на крајот да оствари позитивен резултат, но длабоко сме убедени дека ќе бидеме на највисоко ниво на следните натпревари и одново ќе имаме причина за славје пред полни трибини на Националната арена.
До следниот натпревар, #НапредМакедонија“, стои во пораката.
Учество во игри на среќа е дозволено за лица со 18+ години. Играј одговорно!