Фудбалски судија нападнат во ‘Ржаничино – полиција го изнесуваше од теренот! 🎥

Покрај битките за место во прва и втора лига, викендов се играа и важни натпревари од пониските лиги, а на еден таков помеѓу ФК Ржанично и ФК Гоце Делчев дојде до инцидент во кој беше нападнат главниот судија.

Натпреварот беше битка за првата позиција на табелата. Гостите во натпреварот влегоа како лидери на табелата со три бода повеќе и им одговараше и реми за да ја завршат сезоната на првата позиција. Сепак, на крајот го загубија натпреварот со 2:1.

Имаа водство на почетокот, но фудбалерите на ФК Ржанично до паузата изедначија на 1:1, а потоа и со гол од пенал во вториот дел дојдоа до трите бода. Победата значеше и освојување на првото место.

По завршувањето на средбата дојде до инцидент во кој главниот судија беше нападнат од дел од гостинските фудбалери и стручниот штаб, па мораше да интервенира и полицијата за да биде изнесен од теренот.