Фудбалерот на Јувентус се забавувал, па бил суспендиран од репрезентацијата

Винстон Мекени отпадна од репрезентацијата на САД поради кршење на ковид протоколите.

23-годишниот фудбалер на Јувентус внел личност во заштитената зона позната како „меур“ на репрезентациите. Со тоа тој го загрозил здравјето и настапот на сите репрезентативци.

Исто така се пишува и дека Мекени поминал една ноќ во хотелот. Фудбалерот потврди дека е суспендиран и се извини преку социјалните мрежи.

„Суспендиран сум за вечерашниот натпревар поради ковид протоколите, жалам за постапките и се извинувам. Ќе навивам за момците, се надевам дека брзо ќе се вратам во тимот“, напиша Мекени пред мечот против Канада во кој САД одигра реми 1:1.

Мекени проблеми со однесувањето имаше и во Јувентус каде што уште неколку фудбалери во април организираше забава среде карантин.