Фудбалерот на Јувентус бил главен во скандалот со обложување, потрошил над еден милион евра во неколку месеци

Италија деновиве ја тресе голем скандал со обложување на фудбалери, а постојано се објавуваат нови информации на оваа тема.

Италијанската „Република“ објави дека Николо Фаџоли од Јувентус кој е еден од осомничените потрошил над еден милион евра во само неколку месеци.

Покрај него наводно во нелегално обложување се вклучиле неговите пријатели Тонали и Заниоло.

Имено, Фаџоли според информациите ги запознал со агенти за обложување, а преку нив тие отвориле платформи и почнале да се обложуваат. Ако се потврдат обвиненијата на фудбалерите им се заканува и суспензија од три години.