„Фудбал Менаџер“ направи симулација на сезоната во Премиер лигата – еве како изгледа конечната табела (ФОТО)

Новата сезона во Премиер лигата започна вчера со победата на Ливерпул против Норвич од 4:1, а веќе во недела не очекува големо дерби помеѓу Манчестер Јунајтед и Челзи.

Популарната компјутерска игра „Фудбал Менаџер“ направи симулација на новата сезона и според истата најголеми причини за радост ќе имаат Манчестер Сити, Арсенал и Манчестер Јунајтед.

Според оваа сиумлација Манчестер Сити и трет пат во низа ќе стигне до шампионската титула, додека Арсенал е сместен на втората позиција. Ако Арсенал навистина заврши на втората позиција тоа може да се смета за успешна сезоната на „топџиите“ бидејќи примарна цел пред почетокот за клубот во Лондон е место во топ 4. Зад Арсенал е сместен Манчстер Јунајтед кој исто така цели на враќање во Лигата на шампионите.

Првата четворка би ја затворил Ливерпул. Челзи и Тотенхем би играле во Лигата на Европа, а заедно со нив изненадувачки во второто по ранг натпреварување место доби Бурнемоут.

Изненадување е и тоа што Вотфорд кој има солиден тим е сместен на последната позиција, а заедно со нив испаѓање во Чемпионшип им се предвидува на Норвич и Астон Вила.