Французите се предомислија, Лига 1 сепак ќе се доигра?

Бундеслигата се врати со голем успех после пандемијата, овој викенд ни се враќа Примера, а наскоро ќе продолжат и Серија А и Премиер лигата.

Француската лига е единствената од Топ 5 која одлучи предвреме да ја заврши сезоната уште во април месец, меѓутоа првиот човек на УЕФА изјави дека Лига 1 може да размисли за одлуката и сепак сезоната да се доигра на почетокот на август.

Французите веќе го прогласија ПСЖ за шампион, но клубови како Лион, Тулуз и Амиен покренаа процес на жалби поради донесената одлука. Лион со ваквата одлука остана без излез во Европа, а другите два клуба испаднаа од елитата.

Се смета дека после ваквите зборови на првиот човек на УЕФА челниците на Лига 1 сепак ќе размислат и ќе ја променат одлуката, па сезоната би можела да се доигра во август.