Финалето на ЛШ во 2019 ќе се игра во Азербејџан?

Шпанските медиуми денес пренесоа дека финалето на Лигата на шампиони во 2019 година ќе биде одиграно во Баку.

Шпанските медиуми се повикуваат на свои извори во УЕФА. Европската куќа на фудбалот би требало до 21-септември да донесе одлука за местото на одигрување на финалето од ЛШ во 2019 година, како и за местото од финалето во Лига Европа.

Кандидат за домаќин на финалето во Лига на шампиони е и новиот стадион на Атлетико Мадрид, но УЕФА наводно има замерка дека „Ванда Метрополитано“ има мал број на ВИП места.

Финалето на Лигата на шампиони оваа сезона ќе се одигра во Украина, поточно во Киев.