Федерер лесно до осмина финале во Шангај

Швајцарскиот тенисер, Роџер Федерер се пласираше во осмина финалето на Мастерсот во Шангај по победата над Алберт Рамос со 2:0 во сетови.

Федерер беше голем фаворит на овој натпревар, а на крајот до триумф дојде со не толку одлична игра. Сепак, Швајцарецот и со половина сила го победи со 2:0 во сетови и тоа со 6:2 и 7:6 (5). Натпреварот траеше час и 26 минути.

Федерер во следното коло ќе игра против подобриот од натпреварот помеѓу Годин и Кукушкин.