Тијаго Силва: Мбапе сеуште мисли дека игра за Монако

Капитенот на клубот од Парз, Тијаго Силва вчера славеше победа над главниот конкурент за титулата, а се пошегува и на сметка на Килијан Мбапе.

Младиот француски фудбалер, Килијан Мбапе вчера не беше на своето ниво против својот поранешен клуб, Монако.

Мбапе пропушти неколку прилики за поубедлива победа, а потоа и при голот на Мутињо за Монако топката на патот до мрежата го погоди токму него, а ПСЖ славеше победа од 2:1.

„Во соблекувалната му кажав дека тој и понатаму мисли дека игра за Монако“ се пошегува капитенот на ПСЖ, Тијаго Силва.

„Се шегувам секако, Килијан има одличен почеток, како и Кавани и Нејмар“, изјави Силва.

ПСЖ е лидер во Лига 1 и имаат девет бодови предност во однос на Лион и Монако, играат импресивно и вистинско чудо би било доколку не ја освојат титулата шампион на Франција.