Тажна вест: 24-годишен фудбалер почина на тренинг

Колумбискиот фудбалер Гилермо Денис Белтран (24) почина на тренингот на боливискиот прволигаш Реал Санта Круз.

Како што е соопштено oд клубот кај фудбалерот се случил прекин на дишењето, а се срушил на тревата откако прво почувствувал дека му е тешко. Клупските доктори и итната помош се обиделе да направат реанимација, меѓутоа за жал не успеале да го спасат.

„Тренираше како и обично, а потоа колабираше. Се обидоа да го реанимираат, но тој почина додека беше префрлен во болница“, изјави претседателот на Реал Сантас Круз, Адолфо Сорија Галваро.

Во текот на својата кариера, крилниот напаѓач играше за Леонес од Колумбија и парагвајските клубови Пасторео, Такаари и Рубио Ну.