Струмица е „црвено-црна“: Вардар е есенски шампион! (ВИДЕО)

Денес беа одиграни натпреварите од 17. коло од македонската прва лига во кое Вардар и Шкендија запишаа убедливи победи.

Вардар на гости кај Академија Пандев во дербито на колото славеше со убедливи 0:3. Фудбалерот кој игра во супер форма од стартот на сезоната Аврамовски погоди уште во 11. Минута. Иако видовме гол во раната фаза сепак тоа беше единствениот погодок во првото полувреме.

На нов гол се чекаше дури до 69. и стрелец повторно беше Аврамовски. Точка на натпреварот стави Брдаровски во последните минути од натпреварот.

Шкендија предводена од Ибраими и Жуниор го победи Шкупи на свој терен со 4:0. Ибраими и Жуниор постигнаа по два погодоци.

Во останатите два натпревари Борец ја победи Ренова со 1:0, додека Работнички и Силекс одиграа 1:1.