Екипата на Далас, предводена од Лука Дончиќ, триумфираше синоќа над Лос Анџелес Клиперс со 113:103 во првиот натпревар од доигрувањето во Западната конференција во НБА лигата, а стартни победи во плејофот забележаа и Портланд, Бруклин и Милвоки.
Словенечкиот кошаркар беше најзаслужен за триумфот на Далас, завршувајќи го мечот со трипл-дабл ефект од 31 поени, 11 асистенции и десет скокови. Вториот натпревар се игра во вторник, повторно во Лос Анџелес.
Пред дербито, падна најважниот потпис во Манчестер Сити! ↓↓↓
Кошаркарите на Бруклин, исто така, славеа во првиот натпревар од доигрувањето на Истокот, забележувајќи победа на домашен терен над Бостон со 104:93. Кевин Дурант беше најефикасен во победничкиот тим и на теренот со 32 поени, додавајќи и 12 скокови.
Портланд во првиот натпревар од доигрувањето на Западот како гости со 123:109 го надиграа Денвер, а до победата и водството од 1:0 во серијата ги предводеше Дамиан Лилард со 34 поени и 13 асистенции. Никола Јокиќ во редовите на Денвер го заврши мечот со 34 кошеви и 16 скокови.
Во првиот плејоф натпревар одигран синоќа во НБА лиагата, финалистот од ланската сезона Мајами го отвори доигрувањето со пораз од Милвоки од 107:109 по продолжение.
НБА плеј-оф, резултати:
Бруклин нетс – Бостон селтикс 104:93 (1-0)
Милвоки бакс – Мајами хит 109:107 (1-0)
Денвер нагетс – Портланд трејл блејзерс 109:123 (0-1)
ЛА клиперс – Далас маверикс 103:113 (0-1)
Учество во игри на среќа е дозволено за лица со 18+ години. Играј одговорно!