Сопствениците не планираат да го продадат Арсенал

Навивачите на Арсенал бараат сопствениците да го продадат клубот после неуспехот со Суперлигата.

Семејството Кроенке не размислува за продажба на клубот и денес преку соопштение им одговори на фановите.

„Остануваме целосно посветени на Арсенал и нема да го продаваме уделот во клубот. Не сме добиле никаква понуда ниту ќе разгледаме ако пристигне. Нашата цел е Арсенал да се натпреварува за најголемите трофеи и нашиот фокус останува на подобрување на конкурентноста на терен“, се вели во соопштението.

Стен Кроенке од 2011 година е сопственик на 62,89%. Неговиот син Џош е директор на клубот и е вклучен во работата на Арсенал.