Слот избрал засилување во нападот: Ливерпул ги започнал преговорите?

Според последните информации екипата на Ливерпул е заинтересирана во своите редови да го доведе Омар Марумуш од Ајнтрахт Франкфурт кој оваа сезона игра во одлична форма.

Сонародникот на Мохамед Салах на 13 натпревари постигна седум гола и запиша пест асистенции и поради тоа јасно е зошто Арне Слот сака да го види во својот тим.

Инсајдерот на „Скај“, Флоријан Плетенберг тврди дека Ливерпул веќе ги контактирал претставниците на фудбалерот и во Ајнтрахт се запознаени со систуацијата.

Неговиот договор со Ајнтрахт има важност до 2027 година, а вкупно од доаѓањето одигра 54 натпревари во кои постигна 28 гола и запиша 13 асистенции.