Сицилија на нозе: Несторовски го продолжи договорот со Палермо!

Македонскиот репрезентативец и најдобар поединец на Палермо, Илија Несторовски стави потпис на нов договор со клубот од Сицилија.

Несторовски, кој е најдобар стрелец на Палермо со новиот договор се обврза на весрност до 2021 година и вети дека ќе го врати клубот во Серија А.

„Среќен сум и задоволен што го обновив договорот со клубот кој ми даде доверба и ми овозможи да играм во Серија А и ми направи чест што ми ја додели капитенската лента. Му благодарам на Маурицио Зампарини и на сите во клубот кој сакам да го вратам онаму каде што му е местото, во Серија А“, изјви Несторовски за клупската интернет страница.

Палермо во моментов е лидер во Серија Б со 25 бода, а Несторовски е прв стрелец на тимот со девет постигнати голови.