Сити негира дека испратил понуда до Меси

Манчестер Сити не преговара со Меси за евентуален трансфер на „Етихад“ и до овој момент не испратил никаква понуда.

Ова денес го соопштија „граѓаните“ преку два медиуми од Островот, „Би-Би-Си“ и „Скај Спорт“.

Порано денес англиските медиуми пренесоа дека Манчестер Сити му предложил на Меси 500 милиони евра за петгодишен договор.

Меси на крајот на сезоната ќе биде слободен агент, па шпекулациите за неговата иднина не престануваат.

Медиумите тврдат дека ваквото соопштение од Манчестер Сити значи дека Пари Сент Жермен е фаворит за потписот на Аргентинецот.