Сите играчи на Барселона повторно на тестирање поради Семедо

Во Барселона вчера настана голема паника откако се дозна дека Нелсон Семедо ги прекршил правилата кои се на сила поради коронавирусот.

Семедо бил на забава во еден ресторан во Барселона на која имало преку 20 луѓе. Во Шпанија групирањето се уште е забрането, а Семедо сигурно ќе биде парично казнет.

Со својот потег дополнително ги налути челниците на клубот и ја доведе екипата во опасност. Поради тоа во текот на вчерашниот ден сите играчи и членови на првиот тим биле уште еднаш тестирани.

Мундо Депортиво синоќа објави дека за среќа нема заразени во екипата на Барселона пред саботниот натпревар против Мајорка.