Синер: Почувствував дека Ѓоковиќ не е во најдобра состојба

Новак Ѓоковиќ е поразен во полуфиналето на Австралија Опен.

Српскиот тенисер пристигна на првиот сезонски Грен слем турнир со цел да ги зголеми рекордните бројки во победничките Грен слем турнири (има 24) и Австралија Опен (има 10), но беше запрен пред финалето.

Четвртиот носител, Италијанецот Јаник Синер, беше подобар со 6:1, 6:2, 6:7(6), 6:3. Синер на тој начин го победи Ѓоковиќ во три од последните четири натпревари.

“Ова беше тежок натпревар, почнав добро, но чувствував дека Ѓоковиќ не е во најдобра состојба. Се обидов да го зголемам темпото во оваа одлична атмосфера. Се радував на овој натпревар. Секогаш е убаво да се игра со играч од кого можеш да научиш нешто. Среќен сам затоа што можам да ја споделам радоста со навивачите и мојот тим.“, изјави Синер по натпреварот.

„Првпат сум во финале, сакав да дојдам овде максимално подготвен. Среќен сум и ќе дадам се од себе“, додаде Италијанецот.