Силва нокаутиран во последната борба, противникот на колена му се извинуваше!?

Легендарниот бразилски УФЦ борец, Андерсон Силва на неславен начин ја заврши кариерата, откако Јураја Хол го нокаутираше во четвртата рунда.

После борбата победникот зачудувачки клекна пред Силва и му се извини, па на тој начин му изрази почит на легендарниот борец.

„Те сакам. И понатаму си еден од најголемите“, му кажа Хол на Силва.

Силва кажа дека ова е неговиот последен танц, иако подоцна на прашањето дали му е завршена ММА-кариерата кажа дека уште ништо не е сигурно.

„Прво морам да се вратам дома, да седнам со својот тим и ќе видиме. Тешко ми е сега да кажам. Ова го правам цел живот и со цело срце, па ќе видиме што ќе се случи“, кажа Силва.