СЕ ВРАЌА „ЗАБОРАВЕНИОТ“: Јирген Клоп откри кога Чемберлејн ќе започне со тренинзи

Клоп откри одлични вести за Ливерпул.

Ливерпул игра одлично оваа сезона, тоа можеби не е истата атрактивна игра од минатата сезона, но „црвените“ се без пораз и лидери се на табелата. Имаат шест бодови повеќе од второпласираниот Тотенхем и седум од третопласираниот Манчестер Сити после 19 одиграни кола.

Сега во продолжение од сезоната би можеле да добијат дополнително засилување.

Имено, Јирген Клоп денес откри дека Алекс Окслејд-Чемберлејн добро се опоравува и кон крајот на февруари или почетокот на март би можел да започне со нормалните тренинзи.

Англискиот интернационалец играше одлично минатата сезона, но се повреди во финишот во полуфиналето од Лигата на шампионите против Рома. Порати таа повреда го пропушти и Мундијалот во Русија.