Роналдо нема да биде во карантин во Торино затоа што отишол во Мадеира

Првата ѕвезда на Јувентус, Кристиано Роналдо нема да биде во карантин во Торино, но веројатно ќе има домашна изолација во неговата Мадеира каде што отпатува по дербито со Интер.

Роналдо во овој момент не може да се врати во Италија, но бидејќи Јувентус ќе ги стави во изолација сите свои фудбалери откако Даниеле Ругани се покажа позитивен на тестот за кронавирус веројатно и Португалецот ќе помине 14 дена во изолација дома.

„Роналдо не тренираше и во овој момент е во Мадеира и чека понатамошен расплет за ситуацијата во Италија поради коронавирусот“, објавија од Јувентус.

Португалија како и многу други земји ги откажа сите летови кон Италија, па Роналдо засега сигурно останува дома.