Рома спушти рампа: Алисон не е на продажба!

Спортскиот директор на Рома, Мончи ги затвори вратите за клубовите кои се заинтересирани за голманот на „волчицата“ Алисон.

Бразилскиот голман игра фантастична сезона и се посилно се поврзува со трансфер во Реал Мадрид и Ливерпул.

„Веќе се уморив да зборувам за иднината на Алисон, бидејќи постојано ме прашуваат за тоа. Не сме добиле никаква понуда и не сакаме да го продаваме. Среќни сме што имаме таков голман во тимот и сакаме што е можно повеќе да остане во Рома. Алисон нема цена бидејќи не е на продажба“, истакна Мончи.

„Сега сме во многу важен дел од сезоната. Секој фудбалер може да даде повеќе, тоа важи и за Алисон. Сега мислиме само на мечот со Болоња, а потоа ќе мислиме на Барселона“, додаде Мончи.

Медиумите тврдат дека Алисон е главна трансфер цел на Реал Мадрид и дека „кралевите“ спремиле понуда од 60 милиони евра.