Реал сака играч на Наполи со клаузула од 70 милиони!

Реал Мадрид следната недела ќе игра против Наполи во четвртфиналето од ЛШ, а Зинедин Зидан посебно ќе внимава на еден фудбалер од италијанскиот тим – Пјотр Зиелински.

Зиелински пристигна ова лето во Наполи од Удинезе за 16 милиони евра, а „АС“ пренесува дека Реал е заинтересиран за еден од најталентираните млади фудбалери во Европа.

Зиелински оваа сезона постигна 3 гола за Наполи, а до сега има запишано 21 настап за полската репрезентација.

Полјакот има договор со италијанскиот клуб до 2021 година, а неговата откупна клаузула изнесува 70 милиони евра.

Според пишувањата на „АС“ Реал Мадрид следното лето ќе достави официјална понуда за младиот плејмејкер во кого Зидан гледа наследник на Лука Модриќ.