Реал во Италија го пронајде наследникот на Модриќ

Кога Наполи минатото лето од Бетис го доведе Фабиан Руиз, веројатно не можеше да претпостави каква зделка направи.

Младиот 23-годишен играч за врска од тогаш игра одлично, а поради тоа се најде на мета на Реал Мадрид и Барселона, а според последните информации и Манчестер Сити се вклучил во трката.

Двата шпански клуба веќе ја започнаа битката за неговиот потпис, а Реал Мадрид во Фабиан Руиз гледа идеаен наследник на Лука Модриќ.

Зидан е голем симпатизер на неговата игра и дал „зелено светло“ за трансферот, а Реал спреми 70 милиони евра за неговиот потпис.

Меѓутоа, Наполи никако не сака да се откаже од својата ѕвезда и за неговиот потпис бара 100 милиони евра.