Раниери: Нема шанси да го продадеме Шмајхел!

Менаџерот на Лестер, Клаудио Раниери изјави дека не постои апсолутно никаква шанса да биде продаден голманот Каспер Шмајхел.

Шмајхел често се споменува како потенцијално засилување за Ливерпул и Манчестер Сити, бидејќи двата гиганти не се задоволни од своите голмани.

Сепак, Раниери ги демантираше сите шпекулации и потврди дека Данецот ќе остане во Лестер.

„Каспер има договор со Лестер и не е на продажба по никоја цена. Не ми е жал за Ливерпул и Сити бидејќи мислам дека можат да ја освојат титулата и без Шмајхел“, истакна Раниери.

Италијанскиот стратег додека дека „лисиците мораат да бидат лисици“ во продолжение на сезоната и дека победата против Вест Хем овој викенд е императив.