Рамос спремен да потпише, но има еден услов за Перез

Сагата околу иднината на Серхио Рамос во Реал Мадрид се уште трае, а капитенот му поставил услов на претседателот за да стави потпис на нов договор.

Договорот на Рамос со Реал Мадрид истекува на крајот на сезоната, а двете страни не можат да најдат заеднички јазик за продолжување на соработката.

Шпанските медиуми пренесуваат дека Рамос е спремен да прифати помала плата. Тој лично имал разговор со претседателот Перез и ги изнел своите услови.

Шпанскиот медиум пишува дека Рамос побарал двегодишен договор од Перез и подготвен е да прифати и помала плата доколку му ја исполнат желбата.

„Имам 34 години, но се чувствувам како да сум на 28. Во форма сум како пред 10 години и можам да играм уште неколку врвни сезони. Сакам да настапам и на Светското првенство во 2026 година и така да станам единствен фудбалер во историјата кој настапил на шест Мундијали“, вели Рамос.