Ракитиќ ја шокира Барса: Ако дојде Верати, јас заминувам!

Фудбалерот на Барселона, Иван Ракитиќ се закани дека ќе го напушти „Камп Ноу“, доколку раководството ова лето го ангажира Марко Верати.

Италијанскиот плејмејкер е на чело на листата на новиот тренер Ернесто Валверде, кој планира промена на системот на игра.

Се очекува Верати да е стартер во формација со двајца дефанзивни играчи од средниот ред, а за останатото место ќе се борат фаворит Серхио Бускетс, Серхи Роберто и Андре Гомеш.

Се очекува Ракитиќ да останува почесто на клупата, што нема да му се допадне, со оглед претстојното Светско првенство во фудбал во Русија следното лето и конкуренцијата во средината на теренот, која ја има во хрватскиот национален тим.