Ракитиќ демантира: Колку што јас знам нема ништо од контактот со Баерн

По потврдата дека Нико Ковач на крајот од сезоната ќе го превземе Баерн Минхен се појавија информации дека германскиот гигант по завршувањето на сезоната ќе се обиде да го доведе Иван Ракитиќ од Барселона.

Според пишувањето на медиумите наводно Баерн е спремен да понуди и сума од 80 милиони евра, но ако му веруваме на Ракитиќ засега не постои никаков контакт со бундеслигашот.

„Едноставно не знам што би кажал за сето тоа, колку што јас знам нема ништо. Морам да кажам дека ми е мило што Ковач ќе биде нов тренер на Баерн. Тоа е се што можам да кажам“, изјави Ракитиќ.

Ваквиот став на Ракитиќ е сосема очекуван бидејќи Хрватот повеќе пати претходно истакнуваше дека нема намера да ја напушти Барселона, клуб со кој има договор до летото 2021 година.