ПСЖ му испрати понуда на Меси, финансиски подобра од онаа на Барселона

Пред неколку дена Меси и официјално стана слободен играч.

Договорот со Барселона му истече на крајот од претходниот месец, а се уште не се знае каде според многумина најдобриот фудбалер на сите времиња ќе ја продолжи кариерата.

Нема многу клубови кои ќе ги задоволат финасиските апетити на Меси, а наводно во игра за неговиот потпис се вклучува ПСЖ.

Според пишувањата на шпанските медиуми ПСЖ стапил во контакт со агентите на Меси и на маса веќе има понуда. Од финансиска страна, барем како што тврдат шпанските медиуми, е многу подобра од онаа на Барселона.

Дали Аргентинецот ќе се согласи на оваа понуда нема брзо да дознаеме со оглед на настапот на Меси со репрезентацијата на Копа Америка.