Продолжува хаосот на Вимблдон: Трет тенисер се повлече поради ковид-19

Шпанецот Роберто Баутиста Агут објави дека мора да се откаже од Вимблдон поради позитивен тест на ковид-19.

Тој е третиот тенисер кој го откажува настапот поради иста причина. Агут требаше да се сретне со Даниел Галан во второто коло, но се соочи со судбината на Марин Чилиќ и Матео Беретини.

„Денес за жал морав да ги известам организаторите дека го завршувам настапот на турнирот. Вчера не се чувствував добро и се тестирав, тестот излезе позитивен и верувам дека одлуката за повлекување е најдобрата која можам да ја донесам“, изјави шпанскиот тенисер.