Проблемите со коленото се минато: Стоилов ќе биде во форма за новата сезона

Македонскиот репрезентативец Столе Стоилов е на рехабилитација по операцијата на левото колено, а првите впечатоци по зафатот се позитивни.

Ракометарот на Вардар нема повеќе болки, па ќе може да прави основни вежби во почетниот период, а за кратко би требало да се врати и на теренот.

„Проблемите со коленото се веќе минато за Столе Стоилов. Неколку дена по операцијата капитенот на РК Вардар на денешниот контролен преглед ни откри дека се чувствува одлично и дека е среќен што повеќе ја нема болката која му ги отежнувала секојдневните активности. Докторите, пак, велат дека интервенцијата поминала во најдобар ред, а веќе од утре Столе може да почне со вежби и физикална терaпија, коишто ќе потпомогнат за побрза рехабилитација“, објавија од „Аџибадем Систина“.