Проблематичниот Дембеле ќе биде жестоко казнет

Проблематичниот Осман Дембеле повторно е во центарот на вниманието поради својата недисциплина.

Францускиот фудбалер не се пријавил пред лекарскиот тим дека е повреден и потоа отпатувал во татковината за да се одмори со фамилијата.

Со тоа што не се пријавил кај лекарите ги прекршил правилата и му следи жестока казна. Според правилата на клубот може да биде без плата помеѓу 11 и 30 дена, а тоа би можело скапо да го чини.

Ако биде минимална суспензија од 11 дена, ќе го чини 360.000 евра, а ако биде суспендиран на цел месец, износот ќе биде неверојатни милион евра.

Парична казна му се заканува без обзир дали ќе се донесе одлука за суспензија. За овој потег казната е 215.000 евра, бидејќи пропуштање на лекарски преглед се смета за сериозен прекршок.