Пристигнуваат уште полоши вести: Ван Дајк го пропушта и Европското првенство?

Ван Дајк после повредата на коленото која ја заработи во дуелот со Евертон долг период ќе биде надвор од терените.

Првите најави беа дека Ван Дајк ќе отсуствува 7-8 месеци, меѓутоа сега пристигнуваат нови уште полоши вести. Последните информации говорат дека Холанѓанецот биде надвор цела година. На Островот пренесувајќи ги овие информации се повикуваат на извори блиски до клубот.

Ако ваквите информации се точни, Ван Дајк не само што ќе биде надвор од терените цела сезона, туку и ќе го пропушти Европското првенство кое се игра наредното лето.

Кога би се земал во предвид и тешкиот кам-бек по една толку долга пауза, „вистинскиот“ Ван Дајк би можеле да го очекуваме дури на почетокот на календарската 2022 година.

Ваквите информации се уште не се потврдени, па навивачите се надеваат дека станува збор само за шпекулации.