Премиерлигаши, Алвес ви испрати повик: Не се пензионирам, додека не заиграм таму!

Бразилецот Дани Алвес се опоравува од тешката повреда на лигаментите, но тврди дека кариерата нема да ја заврши пред да заигра во Премиер лигата.

Фудбалерот на Пари Сен Жермен наскоро би требало да се врати на теренот, после повредата на коленото поради која е надвор од терените уште од мај.

Со оглед на тоа дека има 35 години, многумина го запрашаа дали оваа повреда ќе го испрати во пензија.

„Невозможно е да ја завршам кариерата, а да не заиграм во Премиер лигата. Таму се игра најдобриот фудбал во светот. Играчите уживаат голема почит. Кога би можел да играм тоа би било совршено, но ќе успеам, на еден или друг начин“, изјави Алвес.

Бразилецот освен во Франција настапуваше во Италија и Шпанија.