Постигнат договор: Дибала останува верен на „старата дама“

Пауло Дибала и раководството на Јувентус се договорија за продолжување на соработката, пренесува „Газета дело Спорт“.

Дибала долго време се поврзуваше со заминување од Торино и преминување во Премиер лигата или ПСЖ, меѓутоа на крајот остана во Јувентус и не погреши. Дибала сезонава е еден од најдобрите поединци на „старата дама“ и сега клубот сака да го награди.

Поточно, Јувентус и Дибала, наводно постигнале договор со кој Аргентинецот би се обврзал на верност со „старата дама“ до 2025 година.

Аргентинецот моментално заработува 7 милиони евра по сезона, а со новиот договор ќе добива 11 милиони евра годишно и ќе биде втор најплатен фудбалер во Серија А.

Joya ?❤️
#FinoAllaFine #ForzaJuve pic.twitter.com/INruffgBLy

— JuventusFC (@juventusfcen) May 14, 2020