Погледнете го голот на Галено во 94. минута со кој му пресуди Арсенал

Порто на домашен терен изненадувачки го победи Арсенал со 1:0 во првиот осминафинален натпревар од Лигата на шампионите.

Тоа беше лош натпревар во кој речиси и да немаше вистинска шанса, а на крајот Бразилецот Галено ги шокираше Англичаните со прекрасен гол во четвртата минута од судиското надополнување.

Домашното крило ја прими топката по левата страна, се сврте кон голот, ја намести, а потоа целосно нечуван упати кон спротивниот агол за шокантни и конечни 1:0.

Ова беше 31-ви настап за Галенo во сезоната, сметајќи ги сите натпреварувања. Постигна осум и асистираше девет гола, а особено е расположен во Лигата на шампионите. Имено, во елитното натпреварување тој четири пати беше стрелец, а три пати асистент.