Повредата на Миовски не е сериозна, ќе игра во ЛШ

Бојан Миовски експресно се рехабилитираше од повредата здобиена викендов, па е дел од тимот на Џирона кој отпатува за Холандија на дуелот од Лигата на шампионите. 

Повредата на скочниот зглоб не е сериозна иако изгледаше многу полошо кога го напушти теренот на мечот против Леганес.

Тој е повикан за настап на дуелот против ПСВ Ајндховен во Лигата на шампионите, а потоа ќе биде во комбинација и викендов во Ла Лига.

По тие два меча Миовски ќе одговори на повикот на селекторот Благоја Милевски за последните натпревари во групната фаза на Лигата на нациите.