Поволен ждреб за Ѓоковиќ на УС Опен

Организаторите на УС Опен го објавија ждребот за последниот гренслем турнир во сезоната.

Српскиот тенисер и бранител на титулата, Новак Ѓоковиќ, е поставен како втор носител и во првото коло ќе игра против квалификант.

Првиот носител на турнирот, Јаник Синер е на страната заедно со третиот Карлос Алкараз, а таму се и Данил Медведев и Стефанос Циципас.

Од страната на Новак Ѓоковиќ е Александар Зверев, како и тенисери како Каспер Руд и Холгар Руне.

Во второто коло, Ѓоковиќ го очекува победникот од натпреварот меѓу Ласло Ѓере и Ленард Штруф.

Во третото коло, негов потенцијален противник би можел да биде освојувачот на Мастерсот во Монтреал, Алексеј Попирин, а во осминафиналето Бен Шелтон или Франсис Тијафо.