Повеќе не се само гласини, Интер потврди: Го сакаме Ериксен!

Првиот оперативец на Интер Џузепе Марота потврди дека неговиот клуб се интересира за Кристијан Ериксен од Тотенхем.

Во последно време се појавија гласини дека Интер ќе притисне за ангажман на данскиот фудбалер.

„Голем број играчи се поврзуваат со нас. Ериксен е одличен и неговиот договор истекува во јуни. Ние воспоставивме контакт со Тотенхем, меѓутоа знам дека има повеќе тимови кои сакаат да го доведат. Преговори со неговите претставници не сме започнале, само можам да кажам дека тој е интересен играч за нас. Интересни ни се неколку фудбалери, работиме смирено и се уште не сме донеле конечен одговор кого ќе доведеме“, изјави Марота за „Скај Италија“.