Пиоли пред отказ, две имиња за можен наследник

Милан влезе во серија од разочарувачки резултати, иако очекувањата на „росонерите“ оваа сезона беа многу големи.

Натпреварот против Њукасл во среда може да биде клучен за иднината на Стефано Пиоли на клупата на Милан.

Клубот се уште не размислува за отказ на Пиоли, но тренерот повеќе не ужива голема доверба кај раководството.

Италијанските медиуми пренесуваат дека раководството на Милан сака да има спремна замена за Пиоли во случај да продолжат лошите резултати, а како можни наследници се спомнуваат Тиаго Мота од Болоња и Де Зерби од Брајтон.