Пике: Важно е дека Меси во последно време е посреќен

Еден од најискусните играчи на Барселона, Жерард Пике ја коментираше темата за иднината на Лионел Меси.

Договорот на Аргентинецот истекува на крајот на сезоната, па неговата иднина се уште е нејасна.

Минатото лето побара да си замине од Барселона, но сега со новото раководство би можел да потпише нов договор со Каталонците. Самиот Пике потврди дека Меси во последно време изгледа посреќно.

„Не знам што ќе се случи.Мислам дека во последно време изгледа посреќно. Тоа е важно. Тој има големо влијание врз целиот тим, бидејќи е капитен. Клубот се справува многу добро и тоа е голема заслуга на Лео. Го познавам добро и ќе ја поддржам неговата одлука“, изјави Пике.