„Петелот“ најголема летна желба на Милан

Италијанските медиуми откриваат дека примарна трансфер цел на Милан следното лето ќе биде напаѓачот на Торино, Андреа Белоти.

И минатото лето „росонерите“ се обидоа да го донесат Белоти и понудија 65 милиони евра, но тогаш „биковите“ бараа 100 милиони евра за својот напаѓач, сума која не прифати да ја плати никој клуб.

Сега ситуацијата е комплетно различна бидејќи „Петелот“ оваа сезона има постигнато само 4 гола и се вклопи во сивилото на тимот.

Тој на крајот на сезоната ќе инсистира да го напушти Торино, а Милан е неговата прва опција.

Според „Спортмедиасет“ Милан е спремен да понуди повеќе од 50 милиони евра, бидејќи во Белоти гледа идеална замена за Андре Силва кој не ги исполни очекувања.