Педри импресионираше: Енрике го спореди со Иниеста, Линекер го нарече суперѕвезда во создавање

Педри Гонзалес, 18 годишниот играч за врска на Барселона воодушеви како сензационален стартер за Шпанија на Еуро.

Шпанците беа елиминирани од Италија после пенали. Еден од најдобрите во репрезентацијата на Шпанија беше феноменалниот тинејџер.

„Забележавте ли какво првенство одигра 18 годишниот Педри? Така ниту Дон Андрес Иниеста не играше! Не сум видел на некое Европско, Светско или Олимписки игри некој 18 годишник да игра така“, воодушевено зборуваше селекторот Луис Енрике.

Гери Линекер, англиската легенда кој е стручен коментатор на „Би-Би-Си“ исто така беше воодушевен.

„Педри е навистина добар. Апсолутна суперѕвезда во создавање. Фантастичен фудбалер“, порача Линекер.

Во регуларните 90 минути Педри имаше 100% точни додавања, а во продолженијата изгуби две топки, па натпреварот го заврши со 65 точни додавања од 67 обиди.

Pedri has completed all 31 passes that he's attempted in the first half versus Italy.

His 31 successful passes are also more than any Italian player in the match so far.#Euro2020 #ITA #ESP #ITAESP pic.twitter.com/rpTH1s6Wjk

— The Analyst (@OptaAnalyst) July 6, 2021