Пандев добива нов тренер во Џенова

Maкедонскиот капитен Горан Пандев во Џенова ќе добие нов тренер.

Џенова во последната сезона се бореше за опстанок се до последното коло и на крај успеа да се избори и наредната да игра со најдобрите во Италија. Клубот во завршницата беше предводен од Давиде Никола, а сега него ќе го наследи поискусниот Роландо Маран.

Маран веќе ги решил административните обврски со неговиот претходен клуб, Каљари и сега повеќе нема да има пречка да потпише за Џенова.

Џенова на Маран му понудила соработка на две години. Новата сезона ви Серија А треба да започне на 19. септември.