Пандев: Ангеловски треба да остане до крајот на квалификациите

Македонските фудбалери пристигнаа во Скопје после настапот на ЕУРО.

Капитенот Горан Пандев смета дека ФФМ требаше да го задржи Игор Ангеловски за селектор на Македонија до крајот на квалификациите за СП.

„Луѓето од федерацијата треба да одлучат дали Ангеловски ќе продолжи или не да биде селектор. Синоќа уште натпреварот не беше завршен а некои портали излегоа со информации дека имаме нов селектор. Јас мислам дека Ангеловски требаше да го заврши и цуклусот за Светско првенство, но знаете кај нас како функционираат работите“, изјави Пандев.

Пандев потоа истакна дека се уште нема донесено одлука дали ќе продолжи да игра или ќе стави крај на кариерата.

„Не знам дали ќе продолжам да играм уште на клупско ниво, веќе немам договор, сега сакам да се одморам малку, а потоа ќе размислувам што понатаму“.