Официјално: Чаби Алонсо ја завршува кариерата!

Поранешниот шпански репрезентативец Чаби Алонсо ги потврди шпекулациите дека ја игра последната сезона во богатата фудбалска кариера.

Чаби Алонсо, најавуваше уште од почетокот на годината дека ќе се пензионира, а во денес, на Твитер потврди дека ова е неговата последна сезона како активен фудбалер.

„Те живеев. Те сакав. Збогум преубав спорту“.

Набргу на оваа социјална мрежа се огласи и претседателот на Баерн, Карл-Хајнц Румениге.

„Баерн сака да му се заблагодари на брилијантниот фудбалер кој совршено го следеше патот на Баерн на теренот и надвор од него. Чаби Алонсо е еден од фудбалските великани. Освоил се што можел да освои во кариерата. Над се тој е прекрасна личност, вистински фудбалски џентлмен“, напиша Румениге.

Кариерата, Алонсо, ја започна во 1999 година во Реал Сосиедад, по четири години во тимот од „Аноета“ се сели во Ливерпул, а во 2009 година за сума од 30 милиони фунти го облече дресот на Реал. Пет години подоцна Пеп Гвардиола го донесе во Минхен.

Чаби Алонсо во кариерата има европска и светска титула со шпанската репрезентација, а Лигата на шампионите ја освои со Ливерпул и Реал.